Pastel de millo doce ou elote sen glute

Ingredientes:

4 ovos, 500 g de millo doce (en conserva ou conxelado), 100 g de preparado sen glute de repostaría (Adpan), 8 g de lévedo químico sen glute, 125 g de manteiga, 400 g de leite condensado.

Elaboración:

1. Acender o forno a 180ºC.
2. Poñer no vaso da batedora os ovos e o leite, mesturar.
3. Fundir a manteiga no microondas e engadir a mestura anterior, bater.
4. Engadir 3/4 partes do millo á batedora e bater ata que o millo se desfaga.
5. Engadir o preparado de repostaría e o lévedo, bater ata que estean ben incorporados.
6. Engadir o resto do millo para que quede enteiro.
7. Pasar a masa a un molde desmontable, mellor de silicona.
8. Meter no forno durante 40-45 minutos.
9. Sacar do forno e deixar arrefriar completamente antes de sacar do molde.

Suxestión: pode servirse cunha crema feita mesturando leite condensado con augardente tostada ao gusto.

Dificultade: Fácil.
Tempo aproximado: 1 hora.