Vichyssoise

Ingredientes:

4 allos porros ( a parte branca), 3 patacas medianas, 1 cebola pequena,750 ml de caldo de polo, 250 ml de leite, pementa negra moida, aceite de oliva virxe extra.

Elaboración:

1. Limpar e cortar as patacas , a cebola e os allos porros. Reservar un pouco da parte verde dos allos porros. 
2. Poñer nunha tarteira un pouco de aceite e engadir a cebola e os allos porros, deixar que se fagan ao lume lento.
3. Cando a cebola e os allos porros estean transparentes engadir as patacas, remexer, engadir o caldo de polo e a pementa, deixar cocer.
4. Pasar pola batedora e engadir o leite (pódese engadir máis ou menos segundo o espesa que queda a crema)
5. Deixar arrefriar na neveira.
6. Cortar en tiras moi finas a parte verde dos allos porros reservada. Fritilos ao lume forte, ata que empecen a coller cor.
7. Servir a crema poñendo enriba un pouco das tiras de allo porro fritidas.

Dificultade: Facilísima.
Tempo aproximado: 45 minutos.