Ingredientes:
1 kg de melón pelado, 1 lima, 80 g de azucre invertido.Elaboración:
- Relar a pel da lima e reservar.
- Poñer nunha batedora de vaso o melón cortado, o zume da lima, a pel relada da lima e o azucre invertido.
- Bater ata que o melón estea ben triturado.
- Deixar repousar o batido na neveira ata que estea ben frío.
- Poñer o batido na máquina de facer xeados* uns 20 minutos.
- Gardar no conxelador e para servir sacalo con antelación.
*Pode facerse sen máquina metendo a mestura no conxelador ata que empece a conxelar, entón sácase e bátese, repítese esta operación ata que o xeado quede cremoso.
Suxestións: está moi bo cun chorriño de ron.
Dificultade: Facilísima.
Tempo aproximado: 30 minutos.
Comentarios
Publicar un comentario
Encantaríame saber a túa opinión