Ingredientes:
2 kg de mexillóns, 125 g de aceite de oliva virxe extra, 75 g de vinagre de viño branco, 75 g de viño branco, catro dentes de allo, dúas follas de loureiro, unha culleriña de pementa negra en gran, 5 cravos, dúas culleriñas de pemento doce da Vera.Elaboración:
- Abrir os mexillóns ao vapor, sen botarlles nada.
- Sacar oa mexillóns das cunchas e limpar as "barbas".
- Reservar a auga que soltaron os mexillóns.
- Nunha tarteira poñer o aceite e os dentes de allo, quentar ata que os dentes de allo comecen a "saltar".
- Retirar a tarteira do lume deixar arrefriar un pouco e botar o viño, o vinagre, 125 g da auga de cocer os mexillóns coada, as follas de loureiro, os cravos, a pementa e o pemento doce.
- Poñer ao lume e deixar ferver 20 minutos.
- Apagar o lume e botar os mexillóns, tapar e deixar repousar.
- Gardar na neveira, estarán mellor despois de 24 horas.
Dificultade: Facilísima.
Tempo aproximado: 30 minutos.
Comentarios
Publicar un comentario
Encantaríame saber a túa opinión