Xeado de cereixas

Ingredientes:

500 g de cereixas, 100 g de azucre (pode aumentarse a cantidade segundo o gusto), 2 culleres de azucre invertido, 4 iogures gregos (de 125 g cada un).

Elaboración:

1. Cortar as cereixas e quitarlles as pebidas.
2. Engadirlles o azucre, remexer e poñelas ao lume suave ata que fervan.
3. Retiralas do lume despois de que fervan uns 5 minutos, engadir o azucre invertido e deixalas arrefriar.
4. Mesturar as cereixas e os iogures.
5. Pasar a mestura pola batedora deixando algúns anacos de cereixas.
6. Deixar repousar unhas doce horas na neveira.
7. Pasar o preparado á máquina de xeados*.
8. Gardar no conxelador. Para consumir sacar un pouco antes do conxelador.

*Pode facerse sen máquina metendo a mestura no conxelador ata que empece a conxelar, entón sácase e bátese, repítese esta operación ata que o xeado quede cremoso.

Dificultade: Media.

Tempo aproximado: 1 hora+ máis o repouso.