Sorbete de figos

Ingredientes:

400 g de figos maduros, 75 g de auga, 35 g de azucre, 20 g de azucre invertido.

Elaboración:

1. Pelar os figos, quitarlles a pel negra ou verde pero deixar a branca de debaixo.
2. Poñer a auga nun cazo xunto co azucre, levar a ebulición e deixar fervendo 2 minutos.
3. Poñer no vaso da batedora os figos, o azucre invertido e o xarope. Triturar ata ter un puré suave.
4. Arrefriar o puré na neveira e cando está ben frío poñelo na máquina de xeados* durante 20 minutos
5. Gardar o sorbete no conxelador. Sacar con antelación para consumir.

*Pode facerse sen máquina metendo a mestura no conxelador ata que empece a conxelar, entón sácase e bátese, repítese esta operación ata que o xeado quede cremoso.

Dificultade: fácil

Tempo aproximado: 20 minutos +  tempo necesario para arrefriar e o tempo na máquina de xeados.