Nesta receita utilízase un sifón para elaborar a mousse de chocolate. O sifón cárgase con N2O e con el resulta moi fácil elaborar receitas de escumas. O sifón foi creado por Ferrán Adrià en 1994 e hoxe en día utilízase na maioría das cociñas profesionais.
A receita de mousse tamén pode elaborarse da maneira tradicional se non se dispón do sifón.
Para a mousse de chocolate: 75 g de chocolate negro, 25 g de azucre, 40 g de cacao en po, 250 ml de nata (35%), 100 ml de leite evaporado, 2 g de xelatina.
Cornetes:
A receita de mousse tamén pode elaborarse da maneira tradicional se non se dispón do sifón.
Ingredientes:
Para os cornetes: 85 g de fariña de arroz integral, 40 g de amidón de millo, 50 g de manteiga, 60 g de azucre, 50 g de auga, 100 g de zume de mazá, 64 g de follas frescas de cecimbre, 1 culler de liño moído, 1 ovo.Para a mousse de chocolate: 75 g de chocolate negro, 25 g de azucre, 40 g de cacao en po, 250 ml de nata (35%), 100 ml de leite evaporado, 2 g de xelatina.
Elaboración:
Cornetes:
- Quentar a auga e engadirlle a culler de liño, deixar repousar.
- Abrandar a manteiga quentándoa no microndas.
- Poñer no vaso da batedora a manteiga fundida, o azucre, e o ovo, bater ata ter unha mestura homoxénea.
- Triturar as follas de cecimbre xunto co zume de mazá ata ter un líquido verde.
- Engadir á batedora o zume de mazá co cecimbre e a auga co liño, volver a bater ata que todo estea ben mesturado.
- Engadir á batedora a fariña de arroz e o amidón de millo, bater ata que todo estea ben mesturado.
- Quentar a barquilleira, cando estea ben quente engadir 1 culler mediana da mestura para facer un barquillo pequeno.
- Pechar a barquilleira e deixar que se faga o barquillo.
- Abrir a barquilleira, se o barquillo xa está feito darlle a forma de cornete rapidamente e reservar ata que arrefríe. Para manexar os barquillos é mellor protexer os dedos da calor cunhas luvas.
- Se hai moita humidade no ambiente os barquillos abrandan en pouco tempo, poden meterse menos dun minuto no forno moi quente para volver a estar crocantes pero perderán a súa forma.
Mousse de chocolate:
- Poñer a xelatina a remollo en auga fría.
- Poñer o leite, a nata, o azucre e o chocolate nun cazo. Quentar a lume suave ata que o chocolate estea derretido.
- Engadir o cacao e remexer para que se disolva ben.
- Escorregar a xelatina e engadir á mestura anterior, remexer ata que se desfaga.
- Deixar repousar a mestura ata que estea morna.
- Coar a mestura e pasala a un sifón de 0,5 l. Pechar e colocar dúas cargas de N2O.
- Axitar ben o sifón e gardar na neveira durante, polo menos, tres horas.
Montaxe:
- Encher os cornetes de cecimbre coa mousse de chocolate.
Suxestión: poden decorarse con froitos vermellos.
Dificultade: Media.
Tempo aproximado: 1 hora e 1/4 máis o tempo de repousso da mousse.
Comentarios
Publicar un comentario
Encantaríame saber a túa opinión