Esta é unha receita moi sinxela inspirada en varias receitas con peras que atopei aquí e alá. A auga de azahar e o cardamomo dan un aroma moi sutil ao xarope. Utilicei améndoas para darlle un puntiño crocante pero podería utilizarse calquera outro froito seco.
Dificultade: Facilísima
Tempo aproximado: 45 minutos.
Ingredientes:
4 peras, 300 ml de auga de azahar, 200 g de azucre, 16 vaíñas de cardamomo, a pel dunha mandarina, 50 g de améndoas picadas en cubiños.Elaboración:
- Poñer nun cazo, suficientemente grande para que entre as catro peras, a auga de azahar, as vaíñas de cardamomo lixeiramente esmagadas, e a pel da mandarina.
- Engadir auga suficiente para cubrir as peras.
- Poñer a ferver o líquido, deixar ferver uns 15 minutos.
- Pelar as peras e poñelas no cazo, baixar o lume para que fervan lentamente.
- Deixar ferver uns 20 minutos* ata que as peras estean cocidas pero non se desfagan.
- Retirar as peras do cazo e reservar.
- Subir o lume e deixar ferver o líquido ata ter un xarope lixeiro.
- Torrar as améndoas nunha tixola.
- Servir as peras cun pouco do xarope e améndoas esparexidas por enriba.
* Este tempo é orientativo dependerá un pouco do tipo de pera que se utilice.
Dificultade: Facilísima
Tempo aproximado: 45 minutos.
Comentarios
Publicar un comentario
Encantaríame saber a túa opinión