Estes pequenos biscoitos son perfectos para telos gardados nunha caixa de galletas e utilizalos para acompañar un café. Coa cantidade de azucre que se indica non resultan demasiado doces e a nata dalles un puntiño ácedo, así que non son nada empalagosos. Son moi fáciles de facer e durarán varios días.
Dificultade: Fácil
Tempo aproximado: 1 hora máis o repouso na neveira.
Alérxenos:
Ingredientes:
4 ovos, 50 g de amidón de millo, 150 g de améndoa moída, 160 g de azucre, 200 g de nata, 2 culleriñas de impulsor químico.Elaboración:
- Montar a nata e reservar na neveira.
- Bater os ovos co azucre ata que o seu volume sexa o dobre.
- Engadir pouco a pouco e remexendo suavemente o amidón de millo, a améndoa moída e o impulsor químico.
- Engadir remexendo suavemente a nata montada.
- Reservar a mestura na neveira un par de horas, así os biscoitos subirán moito máis.
- Acender o forno a 220ºC.
- Poñer a mestura en moldes de "financiers", ou nun molde de biscoito.
- Meter no forno ata que os biscoitos estean dourados. O tempo dependerá do tipo de molde que se utilice, cos molde de "financiers" tardan uns 20 minutos.
Dificultade: Fácil
Tempo aproximado: 1 hora máis o repouso na neveira.
Alérxenos:
Comentarios
Publicar un comentario
Encantaríame saber a túa opinión