"Panellets" de chocolate

Gústanme moitísimos o doces que levan améndoa e se fan por difuntos, pero como non os faga eu resultame imposible tomalos. Os "panellets" son os que adoito facer nesta época porque son moi fáciles e sempre quedan moi ricos. Este ano tocou de chocolate.

Ingredientes:

1 xema de ovo, 200 g de améndoa moída, 150 g de azucre, 100 g de boniato, 3 culleriñas de cacao puro sen glute, chocolate negro para fundir.

Elaboración: 

1. Cocer o boniato no microondas para que non colla auga.
2. Unha vez cocido o boniato facelo puré.
3. Mesturar a xema de ovo, a améndoa, o azucre e o puré de boniato.
4. Engadir o cacao e merturar ben.
5. Deixar repousar na neveira un par de horas.
6. Acender o forno a 200ºC.
7. Facer unhas boliñas coa masa e aplastalas un pouco.
8. Poñer nunha bandexa de forno e cocelos durante 10 minutos.
9. Sacar do forno e deixar arrefriar.
10. Poñer o chocolate no microndas de 30 segundos en 30 segundos ata que estea fundido.
11. Decorar co chocolate fundido os "panellets".

Dificultade: Fácil.
Tempo aproximado: 30 minutos máis o repouso.
Alérxenos: