O primeiro que hai que explicar nesta receita é que é iso de chourizo vexetal. Eu descubrinos hai pouco, son un preparado de cabaza elaborado coma se fose un chourizo tradicional. A verdade que dan un sabor moi rico ás potaxes e outras receitas, como estas empanadiñas.
Outra cousa importante é como cocer os grelos. Os grelos son moi amargos, así que para suavizalos hai que poñelos a ferver e cambiar a auga tres veces, desta maneira conservan un pouco do amargor que os diferencia doutras verduras, sen resultar excesivo.
Nesta receita engadín á masa fariña de chía, que a fai moito máis manexable, non hai que pasarse con ela porque absorbe moita auga e pode facer que a masa quede demasiado dura.
Para o recheo: 1 presa de grelos, 2 talladas de queixo de Arzúa-Ulloa de 1 cm de groso, 3 Calabizos ( chourizos vexetarianos), 1 cebola mediana, aceite de oliva virxe extra.
Outra cousa importante é como cocer os grelos. Os grelos son moi amargos, así que para suavizalos hai que poñelos a ferver e cambiar a auga tres veces, desta maneira conservan un pouco do amargor que os diferencia doutras verduras, sen resultar excesivo.
Nesta receita engadín á masa fariña de chía, que a fai moito máis manexable, non hai que pasarse con ela porque absorbe moita auga e pode facer que a masa quede demasiado dura.
Ingredientes:
Para a masa: 150 g de fariña de arroz branco, 40 g de amidón de millo, 40 g de amidón de mandioca, 10 g de leite en po, 15 g de fariña de chía, 40 g de trigo sarraceno, 1 ovo, 15 g de aceite de oliva virxe extra, 5 g de sal, 1 culleriña de lévedo químico, 120 g de auga.Para o recheo: 1 presa de grelos, 2 talladas de queixo de Arzúa-Ulloa de 1 cm de groso, 3 Calabizos ( chourizos vexetarianos), 1 cebola mediana, aceite de oliva virxe extra.
Elaboración:
Masa:- Mesturar todos os ingredientes sólidos.
- Engadir o ovo e o aceite e mesturar cos ingredientes sólidos.
- Ir engadindo a auga aos poucos mesturando ben ata ter unha masa que se despegue das paredes do recipiente e que quede elástica.
- Dependendo do tipo de fariña de arroz pode necesitarse máis ou menos auga.
- Deixar repousar a masa uns 30 minutos.
- Como a chía absorbe moita auga, igual despois do repouso é necesario engadir unha pouca máis.
- Estirar a masa cun rolo, poñendo na superficie un pouco de amidón de millo para que non se pegue.
- Cortar a masa en círculos de uns 10 cm de diámetro.
Recheo:
- Limpamos os grelos e poñémolos a cocer nunha tarteira cubertos de auga. Cando comence a ferver tiramos a auga , volvemos a engadir auga limpa e os poñemos ao lume ata que volvan a ferver. Tiramos outra vez a auga e volvemos a cubrilos con auga limpa, engadimos un pouco de sal e esta vez deixamos que fervan ata que estean feitos.
- Unha vez cocidos retiramolos da auga e os poñemos nun pano limpo que retorceremos para escorregar toda a auga.
- Picamos os grelos en anacos pequenos. Reservamos.
- Pelamos e cortamos a cebola en anacos pequenos.
- Poñemos nunha tixola un pouco de aceite a lume suave e engadimos a cebola picada, deixamos que se faga lentamente ata que estea transparente.
- Cando a cebola estea feita engadimos á tixola os grelos picados. Deixamos ao lume.
- Quitamos a "pel" dos cabizos e cortamolos en anacos pequenos e engadímolos á tixola.
- Remexemos e deixamos que se cociñe todo xunto uns minutos.
- Apagamos o lume e reservamos.
Montaxe
- Poñemos en cada círculo de masa un anaco de queixo.
- Cando o recheo estea frío repartímolo sobre os círculos de masa.
- Pechamos as empanadiñas.
- Poden pintarse con ovo e facerse ao forno ou ben fritirse en abundante aceite*.
* Poden conxelarse para usar noutro momento.
Dificultade: Media
Tempo aproximado: 1 hora e 30 minutos.
Alérxenos:
Tempo aproximado: 1 hora e 30 minutos.
Alérxenos:
Comentarios
Publicar un comentario
Encantaríame saber a túa opinión